طريقة استخراج شهادة اعفاء من الجيش 2024 الاوراق المطلوبة وخطوات استخراج شهادة الاعفاء المؤقت والدائم من الخدمة العسكرية

ننشر لكم في هذا الموضوع عبر موقع خدمات كيفية استخراج شهادة الاعفاء المؤقت الاعفاء الدائم  من الخدمة العسكرية شهادة الاعفا من الجيش والاوراق المطلوبة من اجل استخراج شهادة الاعفاء من الجيش المصري 2024 للابن الوحيد.

لو انت ما عندكش اخوات ولاد خالص هتاخد اعفا مؤقتة مدتها تلات سنين، لو ما عندكش اخوات ولاد + والدك عدى سن الستين هتاخد اعفاء نهائي، الورق بتاع الاتنين شبه بعض في الموضوع ده هنتكلم عن الخطوات عشان ما تعملش نفس المشوار مرتين زي ما حصل معايا.

القيد العائلي

اول مشوار عندنا السجل المدني، اهم حاجة هنطلعها منه القيد العائلي. الجيش بيحتاجها عشان يعرف هل انت لك اخوات ولاد ولا لأ، ده بيبقى المستند اللي بيفهم منه ان الشخص ده ما عندوش اخوات ولاد، طيب القيد العائلي عشان تطلعه محتاج ايه، اول حاجة صورة من بطاقة والدك وصورة من بطاقة والدتك، تاني حاجة شراء نموذج قيد عائلي تالت حاجة صور من شهادات ميلادك انت واخواتك رابع حاجة قسيمة زواج لوالدك ووالدتك، خامس حاجة احضار صورة شهادة الوفاة للمتوفين لو لك اخ ولد ولا قدر الله توفاه الله، في السجل المدني في شباك اسمه القيد العائلي لوحده، وفيه شباك ده بيبقى بتاع شهادات الميلاد، شهادات الوفاة، شهادات الزواج، كل ده في شباك وده شباك لوحده القيد العائلي.

الورق ده من الشباك اللي على اليمين ده تاخده وتروح به اللي على الشباك اللي على الشمال، بتقدم للموظف وتقوله انا عايز اطلع قيد عائدي، في حاجة بسيطة بالنسبة لوسيقة الزواج ان اغلب وثائق الزواج بيبقى في اخطاء كتير سواء في الاسامي او في التواريخ ده ليه.. لان هو كل شوية حد ييجي يطلع وثيقة زواج يلاقي فيها مشكلة، فانا قلت ايه الموضوع، بس فهو الموضوع ان هم لما كانوا بينقلوا الاسامي من ورقي للمميكن، كان في اخطاء كتير، فلو حصل لا قدر الله معك كده تروح ممكن في السجل المدني بتاعك نفسه بيبقى في مكان للتعديلات، بتروح تعدل بيبقى مثلا تمن التعديل ممكن حوالي متين جنيه، تروح تعدل وترجع تكمل اجراءاتك تاني، فانت اتأكد مع كل ورقة ان كل البيانات مكتوبة صح، اخر حاجة القيد العائلي مدة صلاحيته تلات شهور.

 خطوات استخراج الاعفاء المؤقت والنهائي من منطقة التجنيد 2024

طلعنا القيد العائلي الحمد لله، وكده خلصنا مشوار السجل المدني، نروح بقى لمشوار التجنيد، مشوار التجنيد بس هنحتاج منه حاجة من السجل المدني غير القيد العائلي. وصورة لبطاقتك وبطاقة والدك والنسخ الاصلية من شهادات ميلاد اخواتك، وخلي معاك شهادة ميلاد جديدة ليك كمان عشان تكتب منها الرقم الثلاثي، خلي معاك نسخة ع الاقل من كل شهادات الميلاد وخلي معاك شهادة ميلاد والدتك مش هياخدوها بس عشان هتسجل منها شوية معلومات، هتحتاج من صورة بطاقتك كذا نسخة عشان بنحتاجها في كذا حاجة داخل منطقة التجنيد زي لو عايز تسيب موبايلك في الامانات لان ممنوع دخولك بيه لمنطقة التجنيد كمان ممنوع يكون معاك شنطة، هو دوسيه فيه ورقك وبس، كمان هتحتاج استمارة ستة او سبعة جند، ودي ممكن تطلعها من مكتب التجنيد وبيبقا تمنها حوالي 35 جنيه. 

 محتاج شهادة ميلاد جديدة كمبيوتر ليك عشان يبقى معك الرقم الثلاثي بتاع شهادة الميلاد، عشان هو هيكتبه في في الستة او السبع جند، طب انا هجيب ستة ولا سبعة.. لو الستة بتاعتك في الجامعة ومش هتعبرف تجيبها او ضاعت تقدر تجيب السبعة، ده الورق اللي هتحتاجه، الزيادة على ده لو في شهادة وفاة للاخوة الولاد او للاب، هي دي ما كتش الحالة بتاعتي بس عامتاً يعني شهادة الوفاة هاتها معك من السجل المدني وانت جاي، طيب احنا كده خلصنا مشوار السجل هنروح بقى للتجنيد ايه اللي هيحصل هناك

 لان دي برضو بيبقى فيها بعض الخطوات اللي لازم تعرفها :- 

  •  اول حاجة هتروح عند شباك الاستعلامات، شباك الاستعلامات ده بيستعلم عنك مش انت اللي بتستعلم منه، هو اللي بيستعلم عنك يعني، دي وظيفته، بتقدم له اصل القيد العائلي وصورة من القيد العائلي بتاعك بيراجعها، وبيطلب منك تروحله بعد يومين او تلاتة، ده اللي بتعمله في المرة الاولي. 
  •  في المرة التانية هتروح تقوله ان دي تاني مرة تيجي وبتقدمله بالترتيب الاتي:- السبعة جند بتاعتك، وراها القيد العائلي الاصل، وراهم شهادات الميلاد شهادة ميلادك شهادة ميلاد والدك شهادة ميلاد اخواتك البنات الاصل من كله، وراهم صورة بطاقتك وراها صورة بطاقة والدك. 
  •  بعدها هيروح خاتم الوق ده ويقولك ادخل منطقة التجنيد هتروح عند البوابة توريهم الورق المختوم وهتتفتش وبعدين تدخل منطقة التجنيد، هتخش بقى لتجنيد نفسه هتحتاج لو معك موبايل هتسلمه للامانات وتسيب معاه صورة بطاقة، لو شنطة للاسف مش هتعرف تخش بها فبلاش تجيب شنطة امال هتجيب ايه، تجيب دوسيه بس زي مقولنا. 
  •  الاجراءات دي شديدة وما بيعدوش حد، طيب عديت وعملت الختم اهم حاجة هتروح تطلع حاجة اسمها 1 جند تقريبا او زي مهيقولك علي اسمها ده تمنه 175 جنيه لحايت دلوقتي فبراير 2024، هتسأل جوة فين شباك، الي تطلع منه كشف عيلة او 1 جند، هيقولك الطابور ده هتقف هتشتري كشف عيلة، وبيديك مع كشف العيلة بون او زي فاتورة فيها رقمك، كده يعني فيها رقم، هتاخد الورقة اللي هيديهالك تملاها فيها بقا اسمك واسم والدك ووالدتك واخواتك وارقام القيد وحاجات زي دي تملاها كلها، بس تخلي بالك انك تملا المخصص ليك بس متملاش حاجة مش المفروض تملاها، وكمان تخلي بالك وانت بتكتب متغلطش ومتشخبطش علي اي حاجة عشان مكش هياخدوا منك الورقة لو متشخبط عليها وهتضطر تشتري واحدة جديدة، هيبقى فيها بيانات بسيطة انت تعرف تملاها الاب ميلاده كم الرقم القومي كم، الام ميلادها الرقم القومي، الاخت ميلادها الرقم القومي.، اسمك وررقمك القومي والرقم الثلاثي بتاعك. 
  •  الرقم الثلاثي بتاعك عشان برضو نحل الازمة دي لان كتير مش عارف فين الرم الثلاثي ده، ده موجود في شهادة الميلاد الجديدة الكمبيوتر من تحت، هو هو رقم الخدمة العسكرية. 

 طيب ملينا كشف العيلة هنروح عند الشباك بقى تقول له اروح عند شباك ايه، هيقول لك روح عند شباك كذا مش الاستعلامات تاني لا هيبقى شباك جوة، الشباك اللي جوة في التجنيد ده في محيط التجنيد اللي هو من ساعة ما انت سلمت الموبايل، الشباك ده هتسلم له الورقة دي مملية طبعا بالبيانات كنت انا واقف مع ناس ما اعرفهاش بس عمالين نراجع بياناتنا لان هو كل واحد يقدم يقول له اصل دي ناقصة كملها، فيرجع يكتبها فكنا بنغش من بعض. 

 وبعدين بيختملك عليها وبتروح اوضة بتتصور فيها، وبعدين بتروح شباك تاني بتسلم الورق بقا كله وبتستنا في المظلات لحايت مينادوا اسمك وتاخد شهادة الاعفا بتاعتك وتروح، والمظلات دي بيبقا شوية كراسي تحت مظلة. 

 الاوراق المطلوبة في الاعفاء المؤقت والاعفاء الدائم من التجنيد 2024

  • بيان قيد عائلى لبطاقة الوالد من السجل المدنى المستخرج منه بطاقته العائلية. 
  • المستند الدال على سبب الإعفاء (شهادة ميلاد الأخ القاصر – شهادة من المدرسة أو الكلية). 
  • كشف عائلى يحصل عليه الشاب من منطقة التجنيد التابع لها. 
  • قسيمة الزواج للوالدين. 
  • قسيمة طلاق الوالدة طلاق بائناً أو حكم محكمة بالتطليق وقيد عائلى لزوج الأم. 
  • إثبات تجنيد للأخ المجند. 
  • شهادة ميلاد الإخوة والأخوات الأشقاء وغير الأشقاء. 
  • شهادة أو قرار عدم القدرة لمن حصل عليه من الأسرة. 
  • شهادات وفاة المتوفيين. 
  • فى حالة غياب الأب ولم يعرف مكانه يطلب حكم غيبة للأب. 
  • البطاقة العائلية للوالد.
  • فى حالة تعذر الحصول على بيان قيد عائلى للأسرة يكتفى بإعلام الوراثة للوالد إذا كان متوفى. 
  •  يتم توثيق هذه المستندات بمكتب التوثيق بمناطق التجنيد والتعبئة أو بمجمع خدمة المواطنين بإدارة التجنيد والتعبئة بواسطة شاب التجنيد وأحد أقربائه عند التوثيق للتوقيع على صحة بيانات كشف العائلة وما ورد من مستندات إذا كان سنة أقل من 21 سنة.
  • لا يعتد بالزوج العرفى. 
  • لا يعتد بالطلاق الرجعى. 

حالات الحصول علي الإعفاء النهائى من التجنيد 

عدم اللياقة الطبية لأداء الخدمة العسكرية والوطنية. 
الإبن الوحيد لأبيه المتوفى أو الغير قادر على الكسب نهائياً. 
أكبر المستحقين للتجنيد من إخوة أو أبناء المواطن الذى إستشهد أو أصيب بإصابة تعجزه نهائياً عن الكسب بسبب العمليات الحربية.
أكبر المستحقين للتجنيد من إخوة أو أبناء الضابط أو المجند أو المتطوع الذى يتوفى بسبب الخدمة أعجزته نهائياً عن الكسب. 
الذى تجاوز سن الثلاثين وهو مستحق الأعفاء المؤقت. 

حالات الحصول علي الإعفاء المؤقت من التجنيد 

  • الإبن الوحيد لأبيه الحى ويعد فى حكمه من كان له إخوه غير قادرين على الكسب طبياً بصفة دائمة. 
  • العائل الوحيد لأبيه الغير قادر على الكسب وكذا العائل لأخيه أو أخوته الغير قادرين على الكسب. 
  • العائل الوحيد لأمه الأرملة أو المطلقة طلاقاً بائناً أو كان زوجها غير قادر على الكسب. 
  • أكبر المستحقين للتجنيد من أخوة الضابط أو المجند أو المواطن الذى فقد بسبب العمليات الحربية ويعامل الغائب فى العمليات الحربية معاملة المفقود إلى أن يتضح موقفه.
تعليقات



حجم الخط
+
16
-
تباعد السطور
+
2
-