ايام قليلة ونستقبل الشهر الكريم، ومع كل ثانية بتقرب؛ الفرحة بتزيد باحلى شهر في السنة، ومن اكتر الحاجات اللي اتشهرت من سنين هي مسلسلات رمضان اللي بقت مؤخرا كتير جدا ومتنوعة وفي هذا الموضوع من موقع خدمات نستعرض معكم قائمة مسلسلات رمضان 2023 القائمة الكاملة وقنوات عرضها ومواعيد عرضها فور توفرها، حيث تم الاعلان عن الكثير من المسلسلات مثل مسلسل المداح ومسلسل الكتيبة 101 ومسلسل الكبير اوي الجزأ السابع، وغيرها من المسلسلات.
قائمة مسلسلات رمضان 2023
نبدأ معكم قائمة مسلسلات رمضان بالمسلسلات المصرؤية، وسوف تجدون باقي المسلسلات والبرامج علي مواضيع اخري علي الموقع، وقد جاءت مسلسلات رمضان 2023 كالتالي :-
مسلسل سره الباتع رمضان 2023
العمل معالجة درامية لقصة من المجموعة القصاصية لحادثة شرف للكاتب يوسف ادريس، والرواية بتحكي عن عصرين مختلفين، الاول هو العصر الحالي، والعصر التاني هو نهاية السورة الفرنسية في مصر في نهاية القرن الثامن عشر والمقاومة الشعبية في مرحلة مهمة عاشوها المصريين، العمل من بطولة احمد فهمي وحنان مطاوع واحمد السعدني وعمرو عبدالجليل وباقي المجموعة اللي عددهم تقريبا ستين ممثل، االمسلسل من تأليف واخراج خالد يوسف، وهيتعرض على قناة اون.
مسلسل الاجهر رمضان 2023
المسلسل بيدور في اطار اجتماعي شعبي، والمسلسل اسمه على اسم الشخصية اللي بيقدمها عمرو سعد، وبتدور احداثه في حي الدرب الاحمر في القاهرة، وبيحكي عن شاب بينشأ في اصلاحية بسبب قتل امه، المسلسل من بطولة عمرو سعد وناهد السباعي ودرة وسيد رجب واحمد مجدي وسارة سلامة، واخراج ياسر سامي، وهيتعرض على ام بي سي مصر.
مسلسل العمدة رمضان 2023
المسلسل بيدور في اطار اجتماعي درامي، وبيحكي عن جعفر عبدالتواب خضر العمدة اللي عايش في حي السيدة زينب ومتجوز اربع ستات، وخلال احداث المسلسل بيتخطف ابن جعفر وميعرفش اذا كان عايش ولا ميت وبيفضل فترة طويلة من حياته بيدور على ابنه، والعمل من بطولة محمد رمضان وزينة وايمان العاصي ومنة فضالي ومي كساب ومنزر ريحانة وعلى صدقي، ومن تأليف واخراج محمد سامي والمسلسل هيتعرض على دي ام سي.
مسلسل عملة نادرة رمضان 2023
المسلسل بيحكي عن نادرة؛ الست الصعيدية اللي بتواجه معارك كتير مع عيلة زوجها بعد وفاته لانهم بيحاولوا ياخدوا ميراثها، لكن هي مش بتستسلم وبتحارب كتير علشان تاخد حقوقها، المسلسل من بطول نيلي كريم وجمال سليمان ومحمد لطفي ومريم الخشن، ومن تأليف مدحت العدل، وده يعتبر التعاون التاني بينهم بعد مسلسل لاعلى سعر في 2017 والمسلسل من اخراج ماندو العدل، وهيتعرض على سي بي سي.
مسلسل المداح الجزأ الثالث (اسطورة العشق) رمضان 2023
مسلسل المداح من الاعمال المنتظرة السنة دي بسبب النجاح اللي حققه في الجزء الاول والتاني، والبوستر الرسمي من وقت ما نزل والتفاعل زاد جدا، والجزء ده احداثه بتدور حوالين سلسلة من الاحلام بيشوفها الشيخ صابر وبتتحقق في الواقع وبتبقى بداية حرب جديدة ليه مع الجن، العمل من بطولة حمادة هلال مع ابطال الاجزاء القديمة وابطال جديدة زي لوسي ودنيا عبدالعزيز ويسرا اللوزي واحمد ماهر، مسلسل من تأليف امين جمل واخراج احمد سمير فرج، والمسلسل هيتعرض على ام بي سي مصر.
مسلسل تحت الوصاية رمضان 2023
بتدور احداث المسلسل في اطار درامي حوالين ست بتحاول تساعد اسرتها من خلال شغلها على مركب صيد وتوريد السمك والجمبري، وبيتواجه مشاكل كتير وخلافات مع الناس اللي حواليها في الشغل واللي معظمهم رجالة، وبتحاول تحلها على قد ما تقدر، المسلسل من بطولة مني زكي ونسرين امين ومها نصار ودياب ومن اخراج محمد شاكر خضير، والمسلسل هيتعرض على دي ام سي.
مسلسل الكبير الجزء السابع رمضان 2023
مسلسل الكبير بالذات من المسلسلات اللي ناس كتير مستنياها، وده بسبب الضجة اللي حصلت في الموسم السادس وشخصية مربوحة اللي كسرت الدنيا بتلقائيتها وخفة دمها، والسنادي بنفس الشخصيات اللي اتعودنا عليها، ومن صور الكواليس المسلسل باين عليه هيكسر الدنيا، لان الجزء ده هيحكي عن المشاكل الزوجية اللي هتحصل بين مربوحة والكبير بعد سنة من جوازهم، المسلسل من بطولة احمد مكي ورحمة ومحمد سلام وبيومي فؤاد وباقي نجوم المسلسل اللي احنا عارفينهم، المسلسل من تأليف مصطفى صقر واخراج احمد الجندي وهيتعرض على قناة اون.
مسلسل رشيد رمضان 2023
من كم يوم انتشر البوستر الرسمي لمسلسل رشيد؛ وهو رؤية معاصرة لرواية الكونت ديمونت كريستو، بيحكي عن الشاب رشيد اللي عايش في هدوء مع ابنه وابوه بعد وفاة مراته، ومع مرور الاحداث رشيد بيلاقي نفسه متهم في قتل وسرقة الراجل اللي بيشتغل عنده، وفي السجن بيتعرف على شخص بيغير حياته، وبيبقى هدفه بعد ما بيخرج انه ينتقم من الشخص اللي اتسبب في أزا، العمل من بطولة محمد ممدوح وريهام عبدالغفور وسيد رجب وصلاح عبدالله ومن تأليف وسام صبري، واخراج مي ممدوح، والمسلسل هيتعرض على منصة شاهد وام بي سي وام بي سي دراما.
مسلسل سوق الكانتو رمضان 2023
المسلسل بيدور في اطار اجتماعي تاريخي وطني، بيحكي عن طاهر فؤاد عبدالكريم الحسيني، ودي الشخصية اللي بيجسدها امير كرارة وهو شاب مصري بيناضل ضد الانجليز، وده بيخليه يهرب ويستخبى في سوق الكانتو وبيشتغل هناك وبيبقى واحد من اكبر تجار السوق في فترة ما بين 1946 لحد 1954 بتنتهي بجلاء الانجليز عن مصر، المسلسل من بطولة امير كرارة مي عز الدين وفتحي عبدالوهاب وضياء عبدالخالق ومن تأليف هاني سرحان واخراج حسين المنباوي، والمسلسل هيتعرض على دي ام سي.
مسلسل الف حمد الله على السلامة رمضان 2023
المسلسل كوميدي، والمسلسل بتدور احداثه في اطار اجتماعي كوميدي، بيحكي عن البطلة واللي هتبقى الفنانة يسرا اللي راجعة من السفر بعد سنين غربة هي وابنها وبنتها ودي وصية جوزها علشان تاخد الميراس، واول ما بيوصلوا مصر، بتحصلهم مشاكل كتير بيستقبلوها بطريقة كوميدية، وبيشارك يسرا في البطولة مايون السيد وادم الشرقاوي ومحمد سروت وشيماء سيف العمل من اخراج عمرو صلاح. ومن تأليف محمد زو الفقار والمسلسل هيتعرض على قناة الحياة.
مسلسل ضرب نار رمضان 2023
بتدور احدث المسلسل في اطار الدراما الصعيدي، بيحكي عن شخصية مهرة بنت من حي شبرا وجابر ابو شديد ابن محافظة سوهاج اللي جاي من اعماق الصعيد للقاهرة وبيواجه مشاكل كتير مع سير احداث المسلسل، وده علشان يحقق حلمه، المسلسل من بطولة ياسمين عبدالعزيز واحمد العوضي وايمان السيد وتامر نبيل ومن تأليف ناصر عبدالرحمن، واخراج مصطفى فكري، والمسلسل هيتعرض على قناة اون.
مسلسل حضرة العمدة رمضان 2023
بتدور احداث المسلسل في اطار اجتماعي عن شخصية صفية الفارس اللي تبقى استاذة في علم النفس في الجامعة الامريكية، وبتتعرض لضغوط كبيرة من عيلتها عشان ترجع بلدها وتترشح للعمودية، وبتقع في مواقف وتحديات كبيرة مع سير الاحداث، العمل من بطولة روبي وسميحة ايوب واحمد رزق ووفاء عامر ومن اخراج عادل اديب، والمسلسل هيتعرض علي قناة cbc.
مسلسل الصفارة رمضان 2023
مسلسل الصفارة، المسلسل معالجة درامية لرواية تأثير الفراشة، وبتدور اححداث المسلسل حوالين احمد امين اللي بيسرق صفارة بترجعه للماضي وبيعيش مواقف واحداث كوميدية، المسلسل من بطولة النجم أحمد أمين، طه الدسوقي، حاتم صلاح، محمود البزاوي، إنعام سالوسة، وهيكون فيه ظهور مميز لنجم برنامج الدحيح علي اليوتيوب احمد الغندور، والعمل من إخراج علاء إسماعيل وتأليف أحمد أمين، المسلسل هيتعرض علي قناة dmc.
مسلسل جت سليمة رمضان 2023
المسلسل من بطولة نجمة دنيا سمير غانم، ويشاركها البطولة محمد سلام، سامي مغاوري، شيرين، محمد ثروت، خالد الصاوي، من تأليف كريم يوسف وسامح جمال، وإخراج إسلام خيري ومن إنتاج أحمد السبكي، وبتدور احداث المسلسل في اطار كوميدي والمسلسل هيتعرض علي قناة cbc.
مسلسل علاقة مشروعة رمضان 2023
المسلس من بطولة النجم ياسر جلال، داليا مصطفى، مي عمر، ميمى جمال، مراد مكرم، عفاف مصطفى، ياسمين رحمى وآخرين وهو من تأليف سماح الحريرى وإخراج خالد مرعى، وبتدور احداث المسلسل في اطار درامي اجتماعي رومانسي، والمسلسل هيكون 15 حلقة، وهيتم عرضه علي قناة الحياة.
مسلسل الكتيبة 101 رمضان 2023
بتدور احداث المسلسل عن قصص حقيقية لبطولات الكتيبة 101 وحربها ضد الارهاب في سيناء، العمل من بطولة النجمان عمرو يوسف، واَسر ياسين، ويشاركهما البطولة، خالد الصاوي، فتحي عبدالوهاب، أحمد صلاح حسنى، وفاء عامر، ميرنا نور الدين، وليد فواز، الطفل منذر مهران، وعدد كبير من ضيوف الشرف، وتأليف إياد صالح وإخراج محمد سلامة، وهيتم عرض المسلسل علي قناة اون.
مسلسل مذكرات زوج رمضان 2023
المسلسل بتدور احداثه في اطار كوميدي اجتماعي، وهو من انواع المسلسلات اللي عدد حلقاتها 15 حلقة، المسلسل من بطولة النجم طارق لطفي، ويشاركه البطولة، خالد الصاوي، ونور النبوي وعائشة بن أحمد وآخرين، مأخوذ عن رواية للكاتب الراحل أحمد بهجت وأعد المعالجة الدرامية له والسيناريو والحوار محمد سليمان عبدالمالك، وهيتم عرض المسلسل علي قناة الحياة.
مسلسل جميلة رمضان 2023
بتدور احادث مسلسل جميلة في اطار اجتماعي، وهو من بطولة ريهام حجاج، سوسن بدر، هاني عادل، عبير صبري، أحمد وفيق، يسرا اللوزي المسلسل تأليف أيمن سلامة وإخراج سامح عبدالعزيز ومن إنتاج جمال العدل، وهيتم عرض المسلسل علي قناة الحياة.
مسلسل تغيير جو رمضان 2023
مسلسل الهرشة السابعة رمضان 2023
مسلسل كامل العدد رمضان 2023
المسلسل هتدور احداثه في اطار كوميدي وعدد حلقاته 15 حلقة، والمسلسل من بطولة دينا الشربيني، شريف سلامة، إسعاد يونس، تأليف رنا أبوالريش، يسر طاهر، وإخراج خالد الحلفاوي.
مسلسل الصندوق رمضان 2023
المسلسل من بطولة أحمد داش، ويشاركه البطولة هدى المفتي، على قاسم، سماح أنور، وعدد من ضيوف الشرف، مسلسل الصندوق من تأليف مصطفى صقر، وإخراج مروان عبدالمنعم، وهيتم عرضه علي منصة شاهد.
مسلسل رسالة الامام رمضان 2023
مسلسل بابا المجال رمضان 2023
مسلسل ستُّهم رمضان 2023
مسلسل عودة البارون رمضان 2023
مسلسل رمضان كريم الجزء الثاني رمضان 2023
مسلسل الحاج اكسلانس رمضان 2023
