مواصفات هواتف سامسونج s23
فيما يخص التغيرات التي حدثت علي النسخة الجديدة من هواتف فئة الاس، فهي تتركز بثلاث نقاط رئيسية، اولها هي مسألة التصميم.
تصميم عائلة سامسونج s23
فكلا من اجهزة الاس ثلاثة وعشرين العادي والبلس، اخد شوية كيوز من تصميم الالترا، فبداية ضهر هاي الاجهزة كاميراتهم بطل في حواليها الاطار اللي كان موجود على الاجيال اللي قبل، صارت الكاميرات اقرب كثير لنسخة الالترا، وحافظوا على الواجهة الفلات المسطحة اللي بتخلي صراحة مسكة الجهاز مميزة وحلوة، لا يزال في عندك كل الميزات الخرافية مثل مقاومة الماء والغبار قارئ البصمة المدمج بالشاشة سماعات الاستيريو وكل الامور الفخمة اللي تعودنا عليها من سامسونج، ولكن التغييرات اللي من رأيي محرزة هي بالالترا فاول شيء الانحناء اللي كان موجود على نسخة الاثنين وعشرين الترا صغر كثير على الثلاثة وعشرين الترا، فصار الجهاز بوكسي اكثر بحيث انه يعني الانحناءات موجودة بس خفيفة جدا من الواجهة ومن الظهر، الامر اللي صراحة مظهره يعني ومسكته شعوره في الايد شيء حلو ومميز، هذا الامر بالطبع مع الحفاظ على ميزة القلم ودعم الاس ببن على نسخة الالترا.
شاشة هاتف سامسونج اس 23
وايضا كل هاي الاجهزة صارت الان بتيجي مع غوريلا جلاس فيكتس الجيل الثاني اللي هو اقوى واكثر تحمل خلينا نحكي للخدوشات والكسر من اللي كان عالجيل الاول، احجام الاجهزة ما تغيروا بشكل عملاق فلا نزال نتكلم عن نفس الاحجام تقريبا 6.8 انش عالالترا، 6.6 على البلاص، 6.1 على العادي، اللي كلهم بيجوا بدقة full hd + ما عدا الالترا اللي بيجيك بدقة كواد ات دي بلس، بالطبع كلهم 120 هرتز، بكل تأكيد شاشة الاموليد الرهيبة اللي سامسونج تعودنا عليها منهم، وايضا مع نفس قدرة السطوع اللي كانت موجودة على الاجيال السابقة، 1750 نت للالترا وحتى البلس. اللهم فقط النسخة الاساسية هو الوحيد اللي بضل حوالين 1330 نت، اللي برضه لا تزال رقم اعلى بكثير من اغلب الهواتف الثانية، لكن الشاشات بشكل عام ما فيهم تغييرات وقفزات عملاقة جدا عن اللي قبل.كاميرات هواتف سامسونج S23
بس ثاني واضخم جزئية من ناحية التحديثات تيجي على الكاميرات، بالتحديد في حالة الالترا، اللي كاميرته الرئيسية انتقلت من 108 ميجا بكسل الى حساس جديد بقوة 200 ميجا بكسل، الامر لا يزال في عنا فيه بفكرة اللي بيجمع 16 بكسل في واحد ليعطيك اداء افضل، وحدة اعلى، وفوكس افضل، وكل هذه الامور اللي شفناها من سامسونج، وفي عندك الحساسات الاخرى برضه اللي تعودنا عليها من سامسونج من قبل مثل حساس 12 ميجا بكسل الترا وايد، حساس عشرة ميجا بيكسل للزوم، وكمان حساس للبعد او التكبير البعيد، خلينا نحكي اللي هي عشر اضعاف، اللي مجموعة مع عشر اضعاف اخرى رقمية تعطيك 100 اكس ديجيتال زوم، فهذا الشيء ما تغير بين الديجتال وبين الاوبتك لا يزال في عنا مدى الزوم الكبير جدا اللي شفناه على الاجيال اللي قبل.
الاجهزة الاخرى لا تزال مبدئيا كما هي حساس رئيسي خمسين ميجا بكسل، عدسة "الترا وايد" 12 ميجا بكسل، وعدسة "زوم" عشرة ميجا بيكسل، بس التغيير جاء على كاميرات السيلفي، فالآن كل اجهزة "سامسونج جالاكسي S23" نفس الكاميرا السيلفي، بحيث انها تأتي بقوة 12 ميجا بكسل، بدل ما كانت عشرة على "نسخة البلص وعلى نسخة العادي" بجيل السنة اللي فاتت.
اضف الى انه في عندك كم من التغييرات من ناحية السوفت وير، اللي هو شيء عند سامسونج موجود وبقوة من ناحية معالجة والتعامل مع الصور، بحيث انه التطبيق نفسه صار فيه الان عندك وضعيات للتصوير السمائي وتصوير النجوم والامور الخاصة بالاسترو فوتوجرافي، بالاضافة لميزات مثل "الرو"، من ناحية قدرة انه الجهاز بقدر انه يسجل معلومات كبيرة جدا عن الحساس قاعد بيشوفه، وهذا الكلام صار الان يحفظ بملف بدقة خمسين ميجا بكسل بدل 12 ميجا بكسل عن قبل، وايضا جهاز الالترا بالتحديد صارت بتصور "k30f" بدل اللي كان محدود لها في الجيل اللي قبل، وفي شوية تعديلات على مسألة تصوير الكاميرا، امور لسا ما اختبرتها وبكثافة، باذن الله تعالى هذا كله راح نحطه تحت المجهر بالمعاينة الكاملة.
معالج هاتف سامسونج اس 23
الثالث من التغييرات التي حدثت على هذه الاجهزة بيتعلق بالاداء، فالان انتقلنا من معالج سناب دراجون "ايدجن ون" الى "الايدجن تو". والفرق مش فرق بسيط مش شعرة صغيرة، بحيث ان المعالج الجديد يعطيك حدة زيادة، واستجابة اعلى، بالاضافة انه هذا الكلام مجموع مع تبريد افضل من قبل، الجهاز بالذات على نسخة الالترا اللي سطحها شوي زاد، فصار الان في عنا نسبة اكبر ومكان اكثر اللي بوزع فيه الحرارة في داخل جسم الجهاز، الامر المفروض انه يحسن كثير على الاداء.
ذاكرة ورامات سامسونج اس 23
في عندنا قدرة ممتازة علي الاجهزة الجديدة من ناحية الرمات فعندك نسخة 12 جيجا بالتحديد هذا رح يكون متوفر في نسخة الالترا، باقي العائلة رح تكون متوفرة برامات بحجم 8 جيجا.اما فيما يخص ذاكرة الهواتف، عالاقل هتبقا بحجم 256 جيجا، الا في حالة الثلاثة وعشرين العادي هيبدأ من حجم 128 جيجا.
اما فيما يخص نظام تشغيل اندرويد 13، مع واجهة سامسونج الجديدة، بالطبع مع خمس سنوات دعم من ناحية التطبيقات وتحديثات الامان، بالاضافة لاربع اجيال من تحديثات اندرويد فهذا الكلام الان بيجي مع اندرويد 13 وهيستمر الي اندرويد 16 او 17.