يبحث الكثير من الرجال عن اسعار الاحذية الكلاسيك والفورمال الرجالي 2024 في مصر لذلك تجدون في هذا المقال المنشور لكم من موقع خدمات افضل انواع الاحذية الرجالية الكلاسيك افضل شوذات وجزم للبدلة اسعار الجزم الكلاسيك، حيث ان الاحذية من اكثر الاشياء التي تتحكم في اناقة الرجل ولهذا في هذه السطور عبر موقع خدمات ننشر لكم احدث اسعار الجزم الرجالي افخم البراندات الجلد الطبيعي والصناعي والطبية والمريحة للرجلين موضة احذية البدل جميع الالوان والاشكال.
افضل انواع الجزم الرجالي 2024
بيقولوا دايما ان شياكة الراجل بتبدأ من جزمته، كل الانظار بتروح للشخص اللي مهتم بحزاؤه مهما كان سعره، طالما استايله عصري ومناسب مع لبسه، الحزاء الكلاسيك، تقريبا تسعة وتسعين في المية مننا عنده جزمة رسمية وفي ناس بحكم شغلها بتلبسها تقريبا كل يوم وناس تانية مقتصر لبسهم للاحزية على المناسبات بس.
اولا الحذاء الفورم الجلد
لو لسه ماشترتش شوز فورمة جديدة وبتفكر تشتري، انصحك ما تشتريش نوع رخيص، علشان حزاء الجلد بالذات يا هيخليك تحس براحة، او هيتعب لك رجلك جدا، بسبب نوعية الجلد السيء، ففكر كويس واختار حزاء رسمي مناسب، وابعد عن اي شكل غريب مش سادة، يعني بلاش النوع اللي بوزه طويل اوي، ولا المربع، ولا اي نوع الديزاين بتاعه غريب، لان الانواع دي منتشرة في الاسواق بطريقة كبيرة جدا، وبتشوش على زوق المشتري، وبيفتكر انها موضة.
في حد من المتابعين بعتلي قال لي ان رجله بتوجعه من لبس الحزاء الرسمي، وهو لازم يلبسها دايما بحكم شغله، بص يا صديقي يا تشتري شوز رسميا باطنها مطاطي او طبي ودي بتبقى سعرها اغلى شوية من الموديلات العادية، وطبعا حسب مقدرتك دلوقتي اذا كنت تقدر تشتري جديدة ولا لأ، الحل التاني انك تشتري فرش سيليكون من الصيدليات او محلات الاحزية، واعتقد هتريحلك رجلك اكتر، وده حل مناسب مؤقت، انا عن نفسي بفضل الاكسفورد كلاسيك شوز.
تشيلسي بوت
من تلات سنين تقريبا انتشرت تشيلسي بوت وكسر الدنيا في معظم البراند العالمية، وحتى المحلية في الاسواق بتاعتنا، بس طبعا ده قديم جدا من الستينيات، ويمكن قبل كده كمان، واللي زاد شهرته لما فرقتين موسيقيتين ابتدوا يلبسوه.
قريت عنه على النت انه اتسمى بالاسم ده لان ابتكار النوع ده طلع من منطقة تشيلسي في لندن، بصراحة نوع البوت ده استايله جميل جدا وهيبقى مناسب معك جدا في معظم لبسك، سواء هتلبسه مع بنطلون جينز او تشينو، ويعتبر من اشهر موديلات الاحزية المناسبة للجاكيت الجلد والجاكيت الفينيس، لانه بديل شيك ورخيص للكاجوال بوتس اللي اسعارها بتبقى غالية، ده غير انه مريح جدا بسبب ان كعبه مش عالي، ويعتبر موضة وتريند في فصل الشتا، ومناسب لجميع الاعمار، انا عارف ان في ناس كتير اشتروا النوع ده بس شوية نصايح كده على السريع في طريقة لبسه، تني البنطلون بيعتمد على طولك لو انت طويل تقدر تتنيه او تسيبه مفرود، ودي الطريقة الاوريجينال او الاصلية، ولو انت قصير يفضل تفرد البنطلون، لان تني البنطلون بيقصر مساحة رجلك بالنسبة لجسمك فبيبينك اقصر اكتر، بس لو مصر يبقى تكنيه تانية قصيرة مش طويلة، من اشهر انواع الجينز هم تلات موديلات (سكين الجينز وده بيبقى ماسك على الجسم جدا وبيبقى مقاس رجل البنطلون اديق من مقاس الفخد بطريقة كبيرة، والنوع التاني بيبقى واخد شكل الجسم وبيبقى مقاس رجل البنطلون اضيق حاجة بسيطة من مقاس الفخد، تالت حاجة هي الاستريت كات وده بيبقى مقاس رجل البنطلون نفس مقاس الفخد) مع تشيلسي بوت يفضل تلبس النوع الاول او التاني لانه هيديك افضل شكل.
الهاف بوت الجلد
الجلد من اساسيات لبس الشتا ومناسب جدا لكل الاعمار، لو ستايل لبسك سمارت كاجوال البوت ده هو اللي هيناسبك هيمشي معاك عالجينز والجين والبنطلونات والقماش ولو بتلبس بليزر هيبقى تحفة معاه، يعني باختصار نوع الهاف بود ده سهل التنسيق مع معظم لبسك، وكمان مش هتغلب في انك تلاقيه لانو موجود في معظم المحلات او على الانترنت، اسعاره طبعا مختلفة من دولة للتانية، النوع ده من الاحزية اللي بتأقلم نفسها على اي حاجة بتلبسها وبيبقى شكلها حلو جدا.
الوايت سنيكرز "الكوتش الابيض"
انتشر جامد جدا مع اغلب الاعمار واخد شهرة كمان اكبر لما نزلت موضة الحزاء الابيض مع البدلة، الوايت سنيكرز او الكوتش الابيض هيمشي معاك لو ستايلك كاجوال، او يعني ممكن تلبسه مع جينز، تلبسه مع جينو، او شورت، او حتى باجي، يعني من الاخر قطعة اساسية لازم تكون عندك، لو لسه مشترتش لسه عندك الفرصة تقدر تروح تجيبهم، والاسعار مش غالية اوي، على فكرة الكوتشي الابيض مناسب جدا لجميع الاعمار، واغلب التوكيلات منزلناه موديلات لونها ابيض علشان تناسب جميع الازواق.
احذية اللوفرز
النوع ده من الاحزية بتاع الناس الرايقة اللي بيهتموا بمظهرهم جدا وبكل تفاصيل لبسهم، انواع كتيرة في منها السادة خالص، والنوع ده بصراحة انا مبحبوش، او عامة هو مش موضة دلوقتي، والنوع التاني بيبقى عليه فيونكة شيك، تقدر تلبس الشوز دي مع جينز، او تشينو، او بنطلون قماش، او بدلة رسمية، او حتى بدلة افراح، وتقدر تلبسها مع هيدين سوكس، او جوارب مخفية، او لو مش استايلك او مبتحبش النوع ده من الشرابات تقدر تلبس معاها شراب كامل لو هتلبسها على بدلة، او مع بليز الكاجو افتكر اسمها كويس لوفرز.
الحذاء الرياضي
لازم يكون عندك حزاء رياضي او كاجوت سواء كنت بتلعب رياضة او لأ، سبورت شوز، او الاحزية الرياضية مريحة جدا في اللبس، ويفضل انك تلبسها يومين او على الاقل يوم واحد في الاسبوع، لو انت في شغلك بتلبس احزية جلد كل يوم علشان تريح رجلك شوية من تعب الاحزية الجلد، انواع الاحزية الرياضية كتير وابتدت تنتشر بطريقة كبيرة جدا بين الشباب، الاحزية الرياضية نوعين نوع خاص بالرياضة واللي بيقدم النوع ده اللي زي اديداس، ونايكي، وبوما، ونيو بلانس، طبعا بتبقى اسعارهم عالية نوعا ما لان الشوز دي معمولة مخصوص علشان تستحمل وتعيش معك فترة طويلة، والنوع التاني كاجول او تريند سبورت شوز واللي بيقدم النوع ده التوكيلات اللي زي زارا، وبيرشكا، وبولنبير ،واتشن دام، وطبعا الانواع دي متانتها متوسطة نوعا ما مقارنة بالاحزية الرياضية، لان طبعا وظيفتها هي الخروج والمشاوير الخفيفة مش للاستخدام الشديد، بس طبعا منكرش ان في توكيلات عالمية بتعمل احزية رياضية كاجوال بجودة عالية زي جوتشي، وبرادا، ودي ان جي، والويفيتون، بس طبعا اسعارهم اغلى بكتير وانا بتكلم على انواع الاصلي مش التقليد انا مبحبش التقليد، اختيار الحزاء الرياضي بيرجع لاستايلك وطريقة لبسك ومدى تفتحك في تطور الموضة، يعني انا بصراحة عجبني النوع الجديد ده اللي اسمه واتسمى كده علشان كأنك لابس شراب مع الشوز، هو عامة نازل موضة بقاله فترة مريح جدا في لبسه انا عامة بلبسه مع بنطلون قطن رياضي هتلاقوه موجود في زهرة وبرش وبولن.
اسعار الاحذية الرجالي 2024
- Leather Classic Shoes يبلغ سعر حذاء من نوع هو 3,449 جنيه
- Classic Leather Shoes يبلغ سعر حذاء من نوع هو 4,799 جنيه
- Classic Leather Shoes يبلغ سعر حذاء من نوع هو 4,799 جنيه
- Leather Classic Ankle Shoes سيبغ سعر حذاء من نوع هو 2,849 جنيه
- Leather Lace up Shoes يبلغ سعر حذاء من نوع هو 4,799 جنيه
- Classic Leather Shoes يبلغ سعر حذاء من نوع هو 4,349 جنيه
اسعار الاحذية الفورمال 2024
- Leather Lace Up Shoes يبلغ سعر حذاء من نوع هو 4,349 جنيه
- Slip On Shoes يبلغ سعر حذاء من نوع هو 3,749 جنيه
- Leather Classic Shoes يبلغ سعر حذاء نن نوع هو 4,349 جنيه
- Oxford Lace Up يبلغ سعر حذاء من نوع هو 4,349 جنيه
- Leather Classic Shoes يبلغ سعر حذاء من نوع هو 4,799 جنيه
- Slip On Shoes يبلغ سعر حذاء من نوع هو 4,199 جنيه
- Slip On Shoes يبلغ سعر حذاء من نوع هو 3,749 جنيه
اسعار الاحذية الجلد الطبيعي 2024
- Classic Leather Shoes يبلغ سعر حذاء من نوع هو 4,349 جنيه
- ther shoes سعر حذاء من نوع هو 3,749 جنيه
- Casual Suede Shoes يبلغ سعر حذاء من نوع هو 3,749 جنيه
- Suede Casual Shoes يبلغ سعر حذاء من نوع هو 3,749 جنيه
- Upper Velcro Casual Shoes سعر هو 749 جنيه