في هذا الموضوع المقدم لكم من موقع خدمات ننشر لكم افضل المشروبات لفصل الشتاء مشروبات ساخنة تدفي في الشتا مشروبات تقوي المناعة مشروبات تتغلب علي البرد، افضل مشروبات في فصل الشتاء، افضل مشروبات ساخنة، قائمة افضل مشروبات للشتاء.
مشروبات الشتاء
قاعد بردان على السرير وحطيت بطانية والتانية ولسه حاسس ان الجو ساقع يبقى كده مش قدامك غير حل واحد وهو مشروبات الشتاء الساخنة، تعال اقول لك على افضل مشروبات تشربهم في الشتا، انا شخصيا ما بحبش الدفاية، ده غير ان الكهربا سعرها غلي في معظم الدول، فبدل ما تدفع فلوسك في فواتير الكهربا أدفعهم افضل في شوية مشروبات مش هيدفوك بس ولكن هيفيدوك صحيا ايضاً وطبعا مش هيكلفوك قد سعر الدفاية مثلاً وفاتورة الكهربا بتاعتها.
مشروب الحلبة
اول مشروب معنا النهاردة هو الحلبة، الحلبة من المشروبات اللي بتعمل على تدفئة الجسم وتزويده ايضا بالطاقة، وشراب الحلبة ده موجود من قديم الازل، ده موجود من وقت الفراعنة، لاننا وجدنا برديات فرعونية بتتكلم عن اهمية الحلبة، ويا سلام لو انتي بترضعي رضاعة طبيعية فتشربي الحلبة فتستفيدي منها انها تدفيكي. وفي نفس الوقت تساعد على اضرار اللبن، فتفيد طفلك ايضا، ومش عايزين ننسى الالياف اللي هتفيد مريض السكر ومريض الامساك وما اكثر مرضى الامساك في فصل الشتاء لكن لو مش بتحب طعمها او بتضايق منها لانها بتغير من رائحة العرق يبقى ممكن تشرب مكانها تاني مشروب معنا النهاردة.
حمص الشام "الحلابسة"
حمص الشام، وعندنا في مصر في المناطق الشعبية مش بنسميه حمص الشام ولكن بنطلق عليه اسم اخر وهو شراب الحلابسة، وده مفيش بقى احلى من طعمه وريحته، ومش محتاج احكي لكم عن كمية البروتين اللي فيه والبروتين مهم جدا فيه، لان البروتين بيقوي مناعتك وبيساعدك على التغلب على ادوار البرد والانفلونزا، والناس اللي مش عارفة طريقة تحضيره فمفيش اسهل منها، فانت بتحضري الحمص العادي بعد طبعا ما تنقعيه في الماية، وتضيفي له شوية توم وعصير طماطم وملح وكمون ولمون، ولو انتي من عشاق الشطة ضيفي له شوية شطة لان الشطة بتدفي ايضا في الشتا، ودي طريقتنا المصرية لكن هو له طرق تانية كتيرة في تحضيره، وهنا تقدر تلاقي طريقة عمل حمص الشام.
السحلب
تالت مشروب ماعنا النهاردة وهو اشهر مشروب شتوي وهو السحلب، مفيش حاجة هتدفيك زي السحلب، وفيه سحلب سعودي وسحلب مصري وسحلب تركي، وكل بلد بتحضره بطريقتها، مشكلتي مع السحلب ان سعراته الحرارية عالية، فهو مش هيكون مناسب لو انت بتعمل حمية غذائية، وعشان نتغلب على مشكلة سعراته الحرارية العالية. ممكن منشربوش كل يوم، ولكن نشربه مثلا يوم بعد يوم وخلي كمان اللبن او الحليب اللي فيه يكون قليل الدسم ومتضيفش مكسرات كتير، هي طبعا المكسرات دي مفيدة جدا، ولكن لما تزود منها هتعلي السعرات الحرارية، ولو خايف بقى من زيادة الوزن مفيش افضل من المشروب الرابع معنا النهاردة.
الشاي الاخضر
رابع مشروب معانا هو الشاي الاخضر، ميزة الشاي الاخضر انه مش هيدفيك فقط ولكن كمان هيساعد على حرق الدهون اللي في جسمك وهيمدك بكمية رائعة من مضادات الاكسدة، ده غير كمان انه بيتميز انه شبه خالي من السعرات الحرارية، ويا سلام لو ما ضفتش سكر له، او لو حبيت تضيف ممكن تضيف المحليات البديلة للسكر، زي سكر استيفيا وكامدريل وتروبيكانا، ميزة الشاي الاخضر انه بيقوي المناعة وبيخلص الجسم من السموم، فهو مشروب رائع عامة ومدهش خاصة في فصل الشتاء، اما لو مش بتحب طعم الشاي الاخضر فممكن الشاي العادي ولو عايز حاجة بقى طعمها احلى واحلى وكمان تعلي المزاج يبقى تشرب المشروب الخامس معنا النهاردة.
الككاو
المشروب الخامس معانا النهاردة، هو الكاكاو او الشوكولاتة الساخنة، اللي احنا بنقول عليها الهوت شوكليت، طعمها حلو وهتدفيك، كمان هتحسن من مودك ومزاجك، والكاكاو له فوايد كتيرة جدا.
الزنجبيل
المشروب السادس معنا النهاردة هو شراب الزنجبيل، اللي معروف عنه انه بيعالج الغثيان، وبالاخص غثيان الحمل، ده غير طبعا انه بيحتوي على مواد مضادة للبكتيريا، ومفيد ايضا لمرضى السكر ومرضى الكوليسترول، ولو عايز تحسن من طعمه ممكن تضيف له شوية لمون، كمان الزنجبيل وهو بيدفيك هيرفع عندك معدلات الايض، وهيحرق الدهون في جسمك وهيساعدك على انك تخس.
القرفة
نيجي بقى لاهم مشروب هيهم مرضى السكر في الموضوع، وهو بالطبع مشروب القرفة، القرفة بتتميز انها مليئة بمضادات الاكسدة ومضادات الالتهابات، لكن ميزتها الرئيسية انها بتقلل من مقاومة الانسولين في الجسم، وبتساعد على زبط مستوى السكر في الدم، لذلك بنلاقي كتير من الشركات بتعمل منها مكملات غذائية وبتبيعها بارقام فلكية، على الرغم ان القرفة موجودة في كل بيت، وعلى فكرة القرفة انا بعتبرها مضاد حيوي طبيعي، لذلك اهتم بشربها لو دايما بيجي لك دور برد وانفلونزا.
الكراوية
المشروب رقم تمانية معنا النهاردة هو الكراوية، لو عندك مغص او تقلصات في البطن او عندك الدورة الشهرية فانصحك انك تشربي الكراوية، حتدفيكي وفي نفس الوقت هتسكن من الم المغص.
عصير البرتقال
اما بقى المشروب التاسع معنا النهاردة فهو مختلف شوية، لانه مش هيدفيك وما ينفعش تشربه سخن بس برضو مينفعش ييجي الشتا غير ما تشربه، فعصير البرتقال هيقوي مناعتك وهيحميك من ادوار البرد والانفلونزا لانه غني جدا بفيتامين سي، بس رجاء لو انت مريض سكر بلاش تشرب عصير البرتقال وكل البرتقال كده زي ما هو، لان الالياف اللي موجودة في البرتقال هتساعد على تقليل ارتفاع السكر في الدم.
المشروب العاشر مش مشروب واحد هم كذا مشروب واختار اللي يعجبك فيهم، فلذلك انا هسميه المشروب الثلاثي
ينسون الكركديه النعناع، فلو عايز تهدي اعصابك او عندك بحة في الصوت يبقى تشرب ينسون، ولو ضغطك مرتفع يبقى تشرب كركديه، سواء بقى سخن او بارد مش هتفرق، الكركديه سواء شربته سخن او بارد كده كده هيفيد على تقليل ضغط الدم، بس من باب اولى في الشتا تشربه سخن عشان يدفيك وفي حر الصيف تشربه بارد